Экологиялық қауіпсіздікті қамтамасыз етудегі ғылым мен технология: шешу жолдары

2021 жылдың 27-28 сәуірі аралығында Солтүстік Қазақстан кәсіптік-педагогикалық колледжінде Қазақстан Республикасы Тәуелсіздігінің 30-жылдығына арналған «Экологиялық қауіпсіздікті қамтамасыз етудегі ғылым мен технология: шешу жолдары» тақырыбында техникалық және кәсіптік білім беру ұйымдары студенттерінің халықаралық ғылыми-практикалық конференциясы өтті.

Конференция экологиялық ойлауды қалыптастыру, жаратылыстану-математикалық пәндер мен пәнаралық байланыстарға қызығушылықты арттыру, студенттердің интеллектуалды бастамашылығы мен шығармашылығын дамыту, белсенді азаматтық позициясы мен патриотизмін тәрбиелеу мақсатында өткізілді.

Конференцияға Ресей Федерациясы мен Қазақстан Республикасынан 68 студент пен оқытушылар қатысты: «Ресей Федерациясының Каменск-Орал агроөнеркәсіп техникумы» МАКББМ СО,

Нұр-Сұлтан қаласы әкімдігінің «ASTANA POLYTECHNIC» жоғары колледж» ШЖҚ МКК, «Талдықорған жоғары политехникалық колледжі» КМҚК , «Қарағанды техникалық-құрылыс колледжі» КММ, сонымен қатар Солтүстік Қазақстан облысының колледждері: «Солтүстік Қазақстан кәсіптік-педагогикалық колледжі» КМҚК, «Петропавл қаласының машина жасау колледжі» КММ, «Бәйкен Әшімов атындағы Петропавл темір жол көлігі колледжі» КММ, «Ж.Қизатов атындағы жоғары ауыл шаруашылық колледжі» КМҚК, «Айыртау ауданының Саумалкөл а.агротехникалық колледжі» КММ, «Гуманитарлық - техникалық колледж» КЕББМ, «Тайынша агробизнес колледжі» КММ, Солтүстік Қазақстан облысы әкімдігінің «Кәсіптік даярлау және қызмет көрсету колледжі» КММ, «Солтүстік Қазақстан университеті колледжі» КММ, «Петропавл кәсіптік колледжі» КММ.

СҚО бойынша экология департаментінің мемлекеттік экологиялық бақылау бөлімінің бастығы Асхат Әділбекұлы Мапенов және Солтүстік Қазақстан кәсіптік-педагогикалық колледжінің директоры Жақыпов Еркін Айдарбекұлы конференцияға қатысушыларға құттықтау сөз сөйледі.

Конференция 5 бағыт бойынша өтті:

1. Биотехнология адамдар үшін

2. Қосымша технологияларды қолдана отырып, қалдықсыз өндіріс.

3. Пластмассалардың қоршаған ортаға әсері.

4. Энергетикалық мәселелерді шешуде баламалы энергия көздерінің рөлі.

5. Экологиялық мәселелерді шешуге ақпараттық технологиялардың әсері.

Қатысушылардың жұмыстары конференцияның негізгі мақсаттарына сәйкес келді, жоғары деңгеймен және қазіргі әлемнің экологиялық жағдайын, ғылым мен техниканың практикалық маңыздылығын терең түсінуімен ерекшеленді.

Ұйымдастырушылар, қатысушылар және олардың жетекшілері дипломдармен және сертификаттармен марапатталды.