«Өрт сөндірушілер мен құтқарушылардың кәсібилігі мен өз ісіне адалдығы»

2021 жылдың 16 сәуірінде колледжде Қазақстан Республикасының 30 жылдығына арналған «Өрт сөндірушілер мен құтқарушылардың кәсібилігі мен өз ісіне адалдығы» тақырыбында дөңгелек үстел өткізілді.

Іс-шара студенттердің болашақ мамандықтарына деген қызығушылығы мен құрметін арттыру, отансүйгіштікке тәрбиелеуге бағытталған.

Дөңгелек үстелге өрт сөндіру күзетінің ардагерлері шақырылды: Айтжанов К.М. - ТЖМ ардагері Петропавл мұнай базасының МЕӨҚҚ басшысы, Увалиев С. К. - ТЖМ ардагері, ТЖ департаментінің офицерлері: Құрманова Ж. К. - өрт сөндіру ММ кадр саясаты бөлімінің аға инспекторы, Исмагулов А. И - СҚО ТЖД дағдарыстық жағдайларды басқару орталығының азаматтық қорғау подполковнигі.

Дөңгелек үстел барысында өрт күзетінің даму тарихы, Чернобыль өрт сөндірушілері, өрт сөндірушілер сынды мәселелер талқыланып, ТЖБ инспекторларының тақырыбы қозғалды. Іс-шара ардагерлер мен болашақ өрт сөндірушілер мен құтқарушылардың жанды қарым-қатынас алаңы болды.